Aṅguttara Nikāya 1
14. Paṭhamavagga
VAR: etadaggapāḷi (bj)
188–197
VAR: aññāsikoṇḍañño → aññākoṇḍañño (bj, s1-3, km, pts1) | aññātakoṇḍaññoti (mr)
“Etadaggaṃ, bhikkhave, mama sāvakānaṃ bhikkhūnaṃ rattaññūnaṃ yadidaṃ aññāsikoṇḍañño. (1)
… Mahāpaññānaṃ yadidaṃ sāriputto. (2)
… Iddhimantānaṃ yadidaṃ mahāmoggallāno. (3)
VAR: Dhutavādānaṃ → dhūtavādānaṃ (s1-3) | dhutaṅgadharānaṃ (katthaci)
… Dhutavādānaṃ yadidaṃ mahākassapo. (4)
… Dibbacakkhukānaṃ yadidaṃ anuruddho. (5)
… Uccākulikānaṃ yadidaṃ bhaddiyo kāḷigodhāya putto. (6)
VAR: lakuṇḍaka → lakuṇṭaka (bj, s1-3, km, pts1)
… Mañjussarānaṃ yadidaṃ lakuṇḍaka bhaddiyo. (7)
… Sīhanādikānaṃ yadidaṃ piṇḍolabhāradvājo. (8)
… Dhammakathikānaṃ yadidaṃ puṇṇo mantāṇiputto. (9)
… Saṅkhittena bhāsitassa vitthārena atthaṃ vibhajantānaṃ yadidaṃ mahākaccāno”ti. (10)
Vaggo paṭhamo.