“Etadaggaṃ, bhikkhave, mama sāvakānaṃ bhikkhūnaṃ manomayaṃ kāyaṃ abhinimminantānaṃ yadidaṃ cūḷapanthako. (1)

… Cetovivaṭṭakusalānaṃ yadidaṃ cūḷapanthako. (2)

… Saññāvivaṭṭakusalānaṃ yadidaṃ mahāpanthako. (3)

… Araṇavihārīnaṃ yadidaṃ subhūti. (4)

… Dakkhiṇeyyānaṃ yadidaṃ subhūti. (5)

… Āraññakānaṃ yadidaṃ revato khadiravaniyo. (6)

… Jhāyīnaṃ yadidaṃ kaṅkhārevato. (7)

… Āraddhavīriyānaṃ yadidaṃ soṇo koḷiviso. (8)

… Kalyāṇavākkaraṇānaṃ yadidaṃ soṇo kuṭikaṇṇo. (9)

… Lābhīnaṃ yadidaṃ sīvali. (10)

… Saddhādhimuttānaṃ yadidaṃ vakkalī”ti. (11)

Vaggo dutiyo.