Aṅguttara Nikāya 10
VAR: 13. Parisuddhavagga → pārisuddhivaggo (s1-3)
13. Parisuddhavagga
123. Paṭhamasutta
“Dasayime, bhikkhave, dhammā parisuddhā pariyodātā, nāññatra sugatavinayā. Katame dasa? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti— ime kho, bhikkhave, dasa dhammā parisuddhā pariyodātā, nāññatra sugatavinayā”ti.
Paṭhamaṃ.