Aṅguttara Nikāya 10
15. Ariyavagga
150. Āsevitabbasutta
“Āsevitabbañca vo, bhikkhave, dhammaṃ desessāmi na āsevitabbañca. Taṃ suṇātha … pe … katamo ca, bhikkhave, na āsevitabbo dhammo? Micchādiṭṭhi … pe … micchāvimutti— ayaṃ vuccati, bhikkhave, na āsevitabbo dhammo. Katamo ca, bhikkhave, āsevitabbo dhammo? Sammādiṭṭhi … pe … sammāvimutti— ayaṃ vuccati, bhikkhave, āsevitabbo dhammo”ti.
Chaṭṭhaṃ.