Aṅguttara Nikāya 10
18. Sādhuvagga
VAR: 184. Vajjasutta → sāvajjasuttaṃ (bj)
184. Vajjasutta
“Sāvajjañca vo, bhikkhave, dhammaṃ desessāmi anavajjañca. Taṃ suṇātha … pe … katamo ca, bhikkhave, sāvajjo dhammo? Pāṇātipāto … pe … micchādiṭṭhi— ayaṃ vuccati, bhikkhave, sāvajjo dhammo.
Katamo ca, bhikkhave, anavajjo dhammo? Pāṇātipātā veramaṇī … pe … sammādiṭṭhi— ayaṃ vuccati, bhikkhave, anavajjo dhammo”ti.
Sattamaṃ.