Aṅguttara Nikāya 4
14. Puggalavagga
VAR: paṭibhānapuggalasuttaṃ (bj)
132. Paṭibhānasutta
“Cattārome, bhikkhave, puggalā santo saṃvijjamānā lokasmiṃ. Katame cattāro?
- Yuttappaṭibhāno, no muttappaṭibhāno;
- muttappaṭibhāno, no yuttappaṭibhāno;
- yuttappaṭibhāno ca muttappaṭibhāno ca;
- neva yuttappaṭibhāno na muttappaṭibhāno—
ime kho, bhikkhave, cattāro puggalā santo saṃvijjamānā lokasmin”ti.
Dutiyaṃ.