Aṅguttara Nikāya 4
28. Rāgapeyyāla
VAR: catuiddhipādasuttaṃ (bj)
276. Iddhipādasutta
“Rāgassa, bhikkhave, abhiññāya cattāro dhammā bhāvetabbā. Katame cattāro? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti; vīriyasamādhi … pe … cittasamādhi … pe … vīmaṃsāsamādhipadhānasaṅkhārasamannāgataṃ iddhipādaṃ bhāveti. Rāgassa, bhikkhave, abhiññāya ime cattāro dhammā bhāvetabbā”ti.
Tatiyaṃ.