AN 4.42 / AN ii 46

Pañhabyākaraṇasutta

Forrás:

További változatok:

Máthé Veronika / Bhikkhu Sujāto / Bhikkhu Ṭhānissaro

Így készült:

Fordítota: Tipiṭaka

Forrás: SuttaCentral

Szerzői jogok:

Felhasználás feltételei:

Aṅguttara Nikāya 4

5. Rohitassavagga

42. Pañhabyākaraṇasutta

VAR: pañhabyākaraṇāni → pañhābyākaraṇāni (mr)

“Cattārimāni, bhikkhave, pañhabyākaraṇāni. Katamāni cattāri? Atthi, bhikkhave, pañho ekaṃsabyākaraṇīyo; atthi, bhikkhave, pañho vibhajjabyākaraṇīyo; atthi, bhikkhave, pañho paṭipucchābyākaraṇīyo; atthi, bhikkhave, pañho ṭhapanīyo. Imāni kho, bhikkhave, cattāri pañhabyākaraṇānīti.

Ekaṃsavacanaṃ ekaṃ,
vibhajjavacanāparaṃ;
Tatiyaṃ paṭipuccheyya,
catutthaṃ pana ṭhāpaye.

VAR: tesaṃ → nesaṃ (bj, s1-3, km)

Yo ca tesaṃ tattha tattha,
jānāti anudhammataṃ;
Catupañhassa kusalo,
āhu bhikkhuṃ tathāvidhaṃ.

Durāsado duppasaho,
gambhīro duppadhaṃsiyo;
Atho atthe anatthe ca,

VAR: ubhayassa hoti kovido → ubhayatthassa kovido (s1-3, km)


ubhayassa hoti kovido.

Anatthaṃ parivajjeti,
atthaṃ gaṇhāti paṇḍito;
Atthābhisamayā dhīro,
paṇḍitoti pavuccatī”ti.

Dutiyaṃ.

Így készült:

Fordítota: Tipiṭaka

Forrás: SuttaCentral

Szerzői jogok:

Felhasználás feltételei: