Aṅguttara Nikāya 6
10. Ānisaṃsavagga
96. Pātubhāvasutta
“Channaṃ, bhikkhave, pātubhāvo dullabho lokasmiṃ. Katamesaṃ channaṃ?
VAR: paccājāti dullabhā → paccājāto dullabho (s1-3)VAR: kusale dhamme chando → kusaladhammacchando (bj, s1-3, pts1)
Tathāgatassa arahato sammāsambuddhassa pātubhāvo dullabho lokasmiṃ, tathāgatappaveditassa dhammavinayassa desetā puggalo dullabho lokasmiṃ, ariyāyatane paccājāti dullabhā lokasmiṃ, indriyānaṃ avekallatā dullabhā lokasmiṃ, ajaḷatā aneḷamūgatā dullabhā lokasmiṃ, kusale dhamme chando dullabho lokasmiṃ. Imesaṃ kho, bhikkhave, channaṃ pātubhāvo dullabho lokasmin”ti.
Paṭhamaṃ.