“Sattime, bhikkhave, adhikaraṇasamathā dhammā uppannuppannānaṃ adhikaraṇānaṃ samathāya vūpasamāya. Katame satta?

VAR: paṭiññātakaraṇaṃ dātabbaṃ, yebhuyyasikā dātabbā, tassapāpiyasikā dātabbā, tiṇavatthārako dātabbo → paṭiññātakaraṇaṃ, yebhuyyasikā, tassa pāpiyasikā, tiṇavatthārako (syā1-3) 2V:2094 vinayena ca 8D:1021 saṅgītisuttena ca

Sammukhāvinayo dātabbo, sativinayo dātabbo, amūḷhavinayo dātabbo, paṭiññātakaraṇaṃ dātabbaṃ, yebhuyyasikā dātabbā, tassapāpiyasikā dātabbā, tiṇavatthārako dātabbo. Ime kho, bhikkhave, satta adhikaraṇasamathā dhammā uppannuppannānaṃ adhikaraṇānaṃ samathāya vūpasamāyā”ti.

Dasamaṃ.

Vinayavaggo aṭṭhamo.

Caturo vinayadharā,
caturo ceva sobhanā;
Sāsanaṃ adhikaraṇa—​
samathenaṭṭhame dasāti.