Aṅguttara Nikāya 7
VAR: 9. Samaṇavagga → vaggāsaṅgahitā suttantā (s1-3, pts1)
9. Samaṇavagga
VAR: 85. Bhikkhusutta → bhikkhudhammasuttaṃ (bj)
85. Bhikkhusutta
“Sattannaṃ, bhikkhave, dhammānaṃ bhinnattā bhikkhu hoti. Katamesaṃ sattannaṃ? Sakkāyadiṭṭhi bhinnā hoti, vicikicchā bhinnā hoti, sīlabbataparāmāso bhinno hoti, rāgo bhinno hoti, doso bhinno hoti, moho bhinno hoti, māno bhinno hoti. Imesaṃ kho, bhikkhave, sattannaṃ dhammānaṃ bhinnattā bhikkhu hotī”ti.
Paṭhamaṃ.