Aṅguttara Nikāya 8
9. Sativagga
VAR: 90. Sammāvattanasutta → tassapāpiyyasikā sammāvattanasuttaṃ (bj)
90. Sammāvattanasutta
VAR: Tassapāpiyasikakammakatena → tassapāpiyyasikā … (bj, s1-3, pts1)
“Tassapāpiyasikakammakatena, bhikkhave, bhikkhunā aṭṭhasu dhammesu sammā vattitabbaṃ— na upasampādetabbo, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā, na kāci saṃghasammuti sāditabbā, na kismiñci paccekaṭṭhāne ṭhapetabbo, na ca tena mūlena vuṭṭhāpetabbo. Tassapāpiyasikakammakatena, bhikkhave, bhikkhunā imesu aṭṭhasu dhammesu sammā vattitabban”ti.
Dasamaṃ.
Sativaggo catuttho.
Satipuṇṇiyamūlena,
Corasamaṇena pañcamaṃ;
Yaso pattappasādena,
Paṭisāraṇīyañca vattananti.