Saṃyutta Nikāya 1
VAR: 8. Chetvāvagga → jhatvāvaggo (bj, pts2) | ghatvāvaggo (s1-3)
8. Chetvāvagga
VAR: 71. Chetvāsutta → jhatvāsuttaṃ (bj, pts2) | ghatvāsuttaṃ (s1-3)
71. Chetvāsutta
Sāvatthinidānaṃ. Ekamantaṃ ṭhitā kho sā devatā bhagavantaṃ gāthāya ajjhabhāsi:
VAR: chetvā → jhatvā (bj, pts2) | ghatvā (s1-3, km)
“Kiṃsu chetvā sukhaṃ seti,
kiṃsu chetvā na socati;
Kissassu ekadhammassa,
vadhaṃ rocesi gotamā”ti.“Kodhaṃ chetvā sukhaṃ seti,
kodhaṃ chetvā na socati;
Kodhassa visamūlassa,
madhuraggassa devate;
Vadhaṃ ariyā pasaṃsanti,
tañhi chetvā na socatī”ti.