Saṃyutta Nikāya 1
8. Chetvāvagga
VAR: 75. Bhītāsutta → bhītasuttaṃ (bj, s1-3, pts2)
75. Bhītāsutta
“Kiṃsūdha bhītā janatā anekā,
Maggo canekāyatanappavutto;
Pucchāmi taṃ gotama bhūripañña,
Kismiṃ ṭhito paralokaṃ na bhāye”ti.“Vācaṃ manañca paṇidhāya sammā,
Kāyena pāpāni akubbamāno;
Bahvannapānaṃ gharamāvasanto,
Saddho mudū saṃvibhāgī vadaññū;
Etesu dhammesu ṭhito catūsu,
Dhamme ṭhito paralokaṃ na bhāye”ti.