Saṃyutta Nikāya 10
1. Indakavagga
10. Dutiyasukkāsutta
Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena aññataro upāsako sukkāya bhikkhuniyā bhojanaṃ adāsi. Atha kho sukkāya bhikkhuniyā abhippasanno yakkho rājagahe rathikāya rathikaṃ siṅghāṭakena siṅghāṭakaṃ upasaṅkamitvā tāyaṃ velāyaṃ imaṃ gāthaṃ abhāsi:
“Puññaṃ vata pasavi bahuṃ,
Sappañño vatāyaṃ upāsako;
Yo sukkāya adāsi bhojanaṃ,VAR: vippamuttiyā”ti → vippamuttāyāti (bj, s1-3, km)
Sabbaganthehi vippamuttiyā”ti.