Saṃyutta Nikāya 10
1. Indakavagga
11. Cīrāsutta
Evaṃ me sutaṃ— ekaṃ samayaṃ bhagavā rājagahe viharati veḷuvane kalandakanivāpe.
VAR: cīrāya → cirāya (pts1-2, mr)
Tena kho pana samayena aññataro upāsako cīrāya bhikkhuniyā cīvaraṃ adāsi. Atha kho cīrāya bhikkhuniyā abhippasanno yakkho rājagahe rathikāya rathikaṃ siṅghāṭakena siṅghāṭakaṃ upasaṅkamitvā tāyaṃ velāyaṃ imaṃ gāthaṃ abhāsi:
“Puññaṃ vata pasavi bahuṃ,
Sappañño vatāyaṃ upāsako;
Yo cīrāya adāsi cīvaraṃ,VAR: vippamuttiyā”ti → vippamuttāyāti (bj, s1-3, km)
Sabbayogehi vippamuttiyā”ti.