Saṃyutta Nikāya 10
1. Indakavagga
4. Maṇibhaddasutta
Ekaṃ samayaṃ bhagavā magadhesu viharati maṇimālike cetiye maṇibhaddassa yakkhassa bhavane. Atha kho maṇibhaddo yakkho yena bhagavā tenupasaṅkami; upasaṅkamitvā bhagavato santike imaṃ gāthaṃ abhāsi:
“Satīmato sadā bhaddaṃ,
satimā sukhamedhati;
Satīmato suve seyyo,
verā ca parimuccatī”ti.“Satīmato sadā bhaddaṃ,
satimā sukhamedhati;
Satīmato suve seyyo,
verā na parimuccati.VAR: sabbamahorattaṃ → sabbamahorrattiṃ (s1-3, km, mr)
Yassa sabbamahorattaṃ,
ahiṃsāya rato mano;
Mettaṃso sabbabhūtesu,
veraṃ tassa na kenacī”ti.