Saṃyutta Nikāya 11
3. Tatiyavagga
VAR: 25. Akkodhasutta → akodho (avihiṃsā) (pts1)
25. Akkodhasutta
Evaṃ me sutaṃ— ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū … pe … bhagavā etadavoca: “bhūtapubbaṃ, bhikkhave, sakko devānamindo sudhammāyaṃ sabhāyaṃ deve tāvatiṃse anunayamāno tāyaṃ velāyaṃ imaṃ gāthaṃ abhāsi:
‘Mā vo kodho ajjhabhavi,
mā ca kujjhittha kujjhataṃ;
Akkodho avihiṃsā ca,VAR: ca paṭipadā → vasati sadā (bj, pts1) | vasatī sadā (s1-3, km, pts2)
ariyesu ca paṭipadā;
Atha pāpajanaṃ kodho,
pabbatovābhimaddatī’”ti.
Tatiyo vaggo.
Chetvā dubbaṇṇiya māyā,
accayena akodhano;
Desitaṃ buddhaseṭṭhena,
idañhi sakkapañcakanti.
Sakkasaṃyuttaṃ samattaṃ.
Sagāthāvaggo paṭhamo.
Devatā devaputto ca,
rājā māro ca bhikkhunī;
Brahmā brāhmaṇa vaṅgīso,
vanayakkhena vāsavoti.
Sagāthāvaggasaṃyuttapāḷi niṭṭhitā.