Sāvatthiyaṃ jetavane. Tena kho pana samayena bhagavā divāvihāragato hoti paṭisallīno. Atha kho sakko ca devānamindo verocano ca asurindo yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho verocano asurindo bhagavato santike imaṃ gāthaṃ abhāsi:

“Vāyametheva puriso,
yāva atthassa nipphadā;

VAR: Nipphannasobhano → nipphannasobhino (bj, pts2) | nippannasobhaṇo (pts1) | nipphannasobhaṇo (mr)VAR: attho → atthā (bj, pts2)

Nipphannasobhano attho,
verocanavaco idan”ti.

“Vāyametheva puriso,
yāva atthassa nipphadā;

VAR: Nipphannasobhano attho → nipphannasobhino atthā (bj, s1, km, pts2) | nippannasobhaṇo attho (pts1)

Nipphannasobhano attho,
khantyā bhiyyo na vijjatī”ti.

“Sabbe sattā atthajātā,
tattha tattha yathārahaṃ;
Saṃyogaparamā tveva,
sambhogā sabbapāṇinaṃ;
Nipphannasobhano attho,
verocanavaco idan”ti.

“Sabbe sattā atthajātā,
tattha tattha yathārahaṃ;
Saṃyogaparamā tveva,
sambhogā sabbapāṇinaṃ;
Nipphannasobhano attho,
khantyā bhiyyo na vijjatī”ti.