Saṃyutta Nikāya 2
2. Anāthapiṇḍikavagga
VAR: 11. Candimasasutta → candimasasuttaṃ (bj, pts2) | candimaso (pts1)
11. Candimasasutta
VAR: candimaso → candimāso (mr)
Atha kho candimaso devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho candimaso devaputto bhagavato santike imaṃ gāthaṃ abhāsi:
“Te hi sotthiṃ gamissanti,
kacchevāmakase magā;
Jhānāni upasampajja,
ekodi nipakā satā”ti.“Te hi pāraṃ gamissanti,
chetvā jālaṃva ambujo;
Jhānāni upasampajja,
appamattā raṇañjahā”ti.