Ekamantaṃ ṭhito kho subrahmā devaputto bhagavantaṃ gāthāya ajjhabhāsi:

“Niccaṃ utrastamidaṃ cittaṃ,

VAR: niccaṃ ubbiggamidaṃ → niccamubbiggamidaṃ (s1-3) | ubbiggidaṃ (mahāsatipaṭṭhānasuttavaṇṇanāyaṃ)

niccaṃ ubbiggamidaṃ mano;

VAR: kicchesu → kiccesu (si, s1-3, pts1)

Anuppannesu kicchesu,
atho uppatitesu ca;
Sace atthi anutrastaṃ,
taṃ me akkhāhi pucchito”ti.

VAR: bojjhā tapasā → bojjhaṅgā tapasā (bj) | bojjhaṅgatapasā (s1-3, km, pts1-2)

“Nāññatra bojjhā tapasā,
nāññatrindriyasaṃvarā;
Nāññatra sabbanissaggā,
sotthiṃ passāmi pāṇinan”ti.

Idamavoca … pe … tatthevantaradhāyīti.