Saṃyutta Nikāya 23
2. Dutiyamāravagga
VAR: 16. Dukkhadhammasutta → dukkha 2 (pts1)
16. Dukkhadhammasutta
Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca: “‘dukkhadhammo, dukkhadhammo’ti, bhante, vuccati. Katamo nu kho, bhante, dukkhadhammo”ti? “Rūpaṃ kho, rādha, dukkhadhammo, vedanā dukkhadhammo, saññā dukkhadhammo, saṅkhārā dukkhadhammo, viññāṇaṃ dukkhadhammo. Evaṃ passaṃ … pe … nāparaṃ itthattāyāti pajānātī”ti.
Chaṭṭhaṃ.