Saṃyutta Nikāya 23
2. Dutiyamāravagga
VAR: 20. Vayadhammasutta → vaya (pts1)
20. Vayadhammasutta
Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca: “‘vayadhammo, vayadhammo’ti, bhante, vuccati. Katamo nu kho, bhante, vayadhammo”ti? “Rūpaṃ kho, rādha, vayadhammo, vedanā vayadhammo, saññā vayadhammo, saṅkhārā vayadhammo, viññāṇaṃ vayadhammo. Evaṃ passaṃ … pe … nāparaṃ itthattāyāti pajānātī”ti.
Dasamaṃ.