Saṃyutta Nikāya 23
2. Dutiyamāravagga
VAR: 21. Samudayadhammasutta → samudaya (pts1)
21. Samudayadhammasutta
Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca: “‘samudayadhammo, samudayadhammo’ti, bhante, vuccati. Katamo nu kho, bhante, samudayadhammo”ti? “Rūpaṃ kho, rādha, samudayadhammo, vedanā samudayadhammo, saññā samudayadhammo, saṅkhārā samudayadhammo, viññāṇaṃ samudayadhammo. Evaṃ passaṃ … pe … nāparaṃ itthattāyāti pajānātī”ti.
Ekādasamaṃ.