Saṃyutta Nikāya 23
2. Dutiyamāravagga
22. Nirodhadhammasutta
Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca: “‘nirodhadhammo, nirodhadhammo’ti, bhante, vuccati. Katamo nu kho, bhante, nirodhadhammo”ti? “Rūpaṃ kho, rādha, nirodhadhammo, vedanā nirodhadhammo, saññā nirodhadhammo, saṅkhārā nirodhadhammo, viññāṇaṃ nirodhadhammo. Evaṃ passaṃ … pe … nāparaṃ itthattāyāti pajānātī”ti.
Dvādasamaṃ.
Dutiyamāravaggo.
Māro ca māradhammo ca,
Aniccena apare duve;
Dukkhena ca duve vuttā,VAR: Anattena → anattehi (s1-3, km, pts1)
Anattena tatheva ca;
Khayavayasamudayaṃ,
Nirodhadhammena dvādasāti.