Saṃyutta Nikāya 25
1. Cakkhuvagga
VAR: 4. Samphassasutta → phassasuttaṃ (bj) | phasso (pts1)
4. Samphassasutta
Sāvatthinidānaṃ. “Cakkhusamphasso, bhikkhave, anicco vipariṇāmī aññathābhāvī; sotasamphasso … ghānasamphasso … jivhāsamphasso … kāyasamphasso … manosamphasso anicco vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī … pe … sambodhiparāyano’”ti.
Catutthaṃ.