Saṃyutta Nikāya 35
1. Aniccavagga
VAR: 10. Bāhirāniccātītānāgatasutta → dutiyabāhirāniccasuttaṃ (bj) | aniccaṃ 4; bāhiraṃ (pts1)
10. Bāhirāniccātītānāgatasutta
“Rūpā, bhikkhave, aniccā atītānāgatā; ko pana vādo paccuppannānaṃ. Evaṃ passaṃ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṃ rūpānaṃ nibbidāya virāgāya nirodhāya paṭipanno hoti. Saddā … gandhā … rasā … phoṭṭhabbā … dhammā aniccā atītānāgatā; ko pana vādo paccuppannānaṃ. Evaṃ passaṃ, bhikkhave, sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṃ dhammānaṃ nibbidāya virāgāya nirodhāya paṭipanno hotī”ti.
Dasamaṃ.