Saṃyutta Nikāya 35
10. Saḷavagga
VAR: 100. Paṭisallānasutta → paṭisallāṇa (pts1)
100. Paṭisallānasutta
VAR: Paṭisallāne → paṭisallānaṃ (bj, mr) | paṭisallāno (si) | paṭisallīnā (s1-3, km) | paṭisallāṇaṃ (pts1)
“Paṭisallāne, bhikkhave, yogamāpajjatha. Paṭisallīno, bhikkhave, bhikkhu yathābhūtaṃ pajānāti. Kiñca yathābhūtaṃ pajānāti? ‘Cakkhu aniccan’ti yathābhūtaṃ pajānāti; ‘rūpā aniccā’ti yathābhūtaṃ pajānāti; ‘cakkhuviññāṇaṃ aniccan’ti yathābhūtaṃ pajānāti; ‘cakkhusamphasso anicco’ti yathābhūtaṃ pajānāti … pe … ‘yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccan’ti yathābhūtaṃ pajānāti. Paṭisallāne, bhikkhave, yogamāpajjatha. Paṭisallīno, bhikkhave, bhikkhu yathābhūtaṃ pajānātī”ti.
Sattamaṃ.