Saṃyutta Nikāya 35
16. Nandikkhayavagga
VAR: 157. Bāhiranandikkhayasutta → bahiddhānandikkhayaaniccasuttaṃ (bj) | nandikkhaya 2 (pts1)
157. Bāhiranandikkhayasutta
“Anicceyeva, bhikkhave, bhikkhu rūpe aniccāti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Anicceyeva, bhikkhave, bhikkhu sadde … gandhe … rase … phoṭṭhabbe … dhamme aniccāti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī”ti.
Dutiyaṃ.