Saṃyutta Nikāya 35
17. Saṭṭhipeyyālavagga
VAR: 169. Ajjhattaaniccarāgasutta → aniccarāgasuttaṃ (bj) | chandena 2 (pts1)
169. Ajjhattaaniccarāgasutta
“Yaṃ, bhikkhave, aniccaṃ, tatra vo rāgo pahātabbo. Kiñca, bhikkhave, aniccaṃ? Cakkhu, bhikkhave, aniccaṃ; tatra vo rāgo pahātabbo … pe … jivhā aniccā; tatra vo rāgo pahātabbo … pe … mano anicco; tatra vo rāgo pahātabbo. Yaṃ, bhikkhave, aniccaṃ, tatra vo rāgo pahātabbo”ti.