Saṃyutta Nikāya 35
2. Yamakavagga
VAR: 22. Dutiyadukkhuppādasutta → dutiyauppādasuttaṃ (bj) | uppādena 2 (pts1)
22. Dutiyadukkhuppādasutta
“Yo, bhikkhave, rūpānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo saddānaṃ … pe … yo gandhānaṃ … yo rasānaṃ … yo phoṭṭhabbānaṃ … yo dhammānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo.
Yo ca kho, bhikkhave, rūpānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo saddānaṃ … pe … yo gandhānaṃ … yo rasānaṃ … yo phoṭṭhabbānaṃ … yo dhammānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo”ti.
Dasamaṃ.
Yamakavaggo dutiyo.
Sambodhena duve vuttā,
Assādena apare duve;
No cetena duve vuttā,
Abhinandena apare duve;
Uppādena duve vuttā,
Vaggo tena pavuccatīti.