Saṃyutta Nikāya 35
1. Aniccavagga
VAR: 3. Ajjhattānattasutta → anattā 1; ajjhattaṃ (pts1)
3. Ajjhattānattasutta
“Cakkhuṃ, bhikkhave, anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Sotaṃ anattā … pe … ghānaṃ anattā … jivhā anattā … kāyo anattā … mano anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ … pe … nāparaṃ itthattāyāti pajānātī”ti.
Tatiyaṃ.