Saṃyutta Nikāya 35
1. Aniccavagga
VAR: 6. Bāhirānattasutta → anattā 2; bāhiraṃ (pts1)
6. Bāhirānattasutta
“Rūpā, bhikkhave, anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Saddā … pe … gandhā … rasā … phoṭṭhabbā … dhammā anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ … pe … nāparaṃ itthattāyāti pajānātī”ti.
Chaṭṭhaṃ.