Saṃyutta Nikāya 36
VAR: 1. Sagāthāvagga → paṭhamakasagāthavaggo (s1-3) | paṭhamasagāthavaggo (pts1)
1. Sagāthāvagga
1. Samādhisutta
“Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā— imā kho, bhikkhave, tisso vedanāti.
Samāhito sampajāno,
sato buddhassa sāvako;
Vedanā ca pajānāti,
vedanānañca sambhavaṃ.Yattha cetā nirujjhanti,
maggañca khayagāminaṃ;
Vedanānaṃ khayā bhikkhu,
nicchāto parinibbuto”ti.
Paṭhamaṃ.