Saṃyutta Nikāya 4
VAR: 1. Paṭhamavagga → āyuvaggo (bj) | āyuvaggo paṭhamo (pts2)
1. Paṭhamavagga
1. Tapokammasutta
Evaṃ me sutaṃ— ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Atha kho bhagavato rahogatassa paṭisallīnassa evaṃ cetaso parivitakko udapādi: “mutto vatamhi tāya dukkarakārikāya. Sādhu mutto vatamhi tāya anatthasaṃhitāya dukkarakārikāya.
VAR: Sādhu vatamhi mutto bodhiṃ samajjhagan”ti → sādhu ṭhito sato bodhiṃ samajjhaganti (bj, pts1-2) | sādhu vatamhi satto bodhisamajjhagūti (s1-3, km)
Sādhu vatamhi mutto bodhiṃ samajjhagan”ti.
Atha kho māro pāpimā bhagavato cetasā cetoparivitakkamaññāya yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi:
“Tapokammā apakkamma,
ye na sujjhanti māṇavā;
Asuddho maññasi suddho,VAR: suddhimaggā aparaddho → suddhimaggamaparaddho (bj, pts1-2) | suddhimaggaṃ aparaddho (s1-3, km)
suddhimaggā aparaddho”ti.
Atha kho bhagavā “māro ayaṃ pāpimā” iti viditvā māraṃ pāpimantaṃ gāthāhi ajjhabhāsi:
VAR: amaraṃ tapaṃ → aparaṃ tapaṃ (s1-3, pts1-2, mr)
yaṃ kiñci amaraṃ tapaṃ;
Sabbaṃ natthāvahaṃ hoti,VAR: dhammani → dhammaniṃ (pts1) | phiyārittaṃ vajahmani (pts2) | jammaniṃ (mr)
phiyārittaṃva dhammani.Sīlaṃ samādhi paññañca,
Maggaṃ bodhāya bhāvayaṃ;
Pattosmi paramaṃ suddhiṃ,
Nihato tvamasi antakā”ti.
Atha kho māro pāpimā “jānāti maṃ bhagavā, jānāti maṃ sugato”ti, dukkhī dummano tatthevantaradhāyīti.