Saṃyutta Nikāya 45
14. Oghavagga
VAR: 179. Orambhāgiyasutta → orambhāgiyasaṃyojanasuttāni (bj)
179. Orambhāgiyasutta
“Pañcimāni, bhikkhave, orambhāgiyāni saṃyojanāni. Katamāni pañca? Sakkāyadiṭṭhi, vicikicchā, sīlabbataparāmāso, kāmacchando, byāpādo— imāni kho, bhikkhave, pañcorambhāgiyāni saṃyojanāni. Imesaṃ kho, bhikkhave, pañcannaṃ orambhāgiyānaṃ saṃyojanānaṃ abhiññāya pariññāya parikkhayāya pahānāya … pe … ayaṃ ariyo aṭṭhaṅgiko maggo bhāvetabbo”ti.
Navamaṃ.