Saṃyutta Nikāya 45
1. Avijjāvagga
VAR: 6. Paṭhamaaññatarabhikkhusutta → bhikkhusuttaṃ (bj) | aññataro bhikkhu 1 (pts1)
6. Paṭhamaaññatarabhikkhusutta
Sāvatthinidānaṃ. Atha kho aññataro bhikkhu yena bhagavā tenupasaṅkami … pe … ekamantaṃ nisinno kho so bhikkhu bhagavantaṃ etadavoca: “‘brahmacariyaṃ, brahmacariyan’ti, bhante, vuccati. Katamaṃ nu kho, bhante, brahmacariyaṃ, katamaṃ brahmacariyapariyosānan”ti?
“Ayameva kho, bhikkhu, ariyo aṭṭhaṅgiko maggo brahmacariyaṃ, seyyathidaṃ— sammādiṭṭhi … pe … sammāsamādhi. Yo kho, bhikkhu, rāgakkhayo dosakkhayo mohakkhayo— idaṃ brahmacariyapariyosānan”ti.
Chaṭṭhaṃ.