Saṃyutta Nikāya 46
5. Cakkavattivagga
VAR: 46. Daliddasutta → daḷiddasuttaṃ (bj) | daliddo (pts1)
46. Daliddasutta
VAR: Daliddo, daliddo’ti → daḷiddo daḷiddoti (bj, s1-3)
“‘Daliddo, daliddo’ti, bhante, vuccati. Kittāvatā nu kho, bhante, ‘daliddo’ti vuccatī”ti? “Sattannaṃ kho, bhikkhu, bojjhaṅgānaṃ abhāvitattā abahulīkatattā ‘daliddo’ti vuccati. Katamesaṃ sattannaṃ? Satisambojjhaṅgassa … pe … upekkhāsambojjhaṅgassa— imesaṃ kho, bhikkhu, sattannaṃ bojjhaṅgānaṃ abhāvitattā abahulīkatattā ‘daliddo’ti vuccatī”ti.
Chaṭṭhaṃ.