Saṃyutta Nikāya 47
3. Sīlaṭṭhitivagga
VAR: 24. Suddhasutta → suddhakasuttaṃ (bj) | suddhaka (pts1)
24. Suddhasutta
Sāvatthinidānaṃ. “Cattārome, bhikkhave, satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu … pe … citte … pe … dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ime kho, bhikkhave, cattāro satipaṭṭhānā”ti.
Catutthaṃ.