Saṃyutta Nikāya 48
1. Suddhikavagga
VAR: 2. Paṭhamasotāpannasutta → sotasuttaṃ (bj)
2. Paṭhamasotāpannasutta
“Pañcimāni, bhikkhave, indriyāni. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ.
VAR: imesaṃ pañcannaṃ indriyānaṃ assādañca → samudayañca atthaṅgamañca assādañca (s1-3, km, pts1, mr)
Yato kho, bhikkhave, ariyasāvako imesaṃ pañcannaṃ indriyānaṃ assādañca ādīnavañca nissaraṇañca yathābhūtaṃ pajānāti— ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyaṇo”ti.
Dutiyaṃ.