Saṃyutta Nikāya 48
1. Suddhikavagga
VAR: 4. Paṭhamaarahantasutta → arahaṃ 1 (pts1)
4. Paṭhamaarahantasutta
“Pañcimāni, bhikkhave, indriyāni. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ.
VAR: imesaṃ pañcannaṃ indriyānaṃ assādañca → samudayañca atthaṅgamañca assādañca (s1-3, km, mr)
Yato kho, bhikkhave, ariyasāvako imesaṃ pañcannaṃ indriyānaṃ assādañca ādīnavañca nissaraṇañca yathābhūtaṃ viditvā anupādāvimutto hoti— ayaṃ vuccati, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto”ti.
Catutthaṃ.