Saṃyutta Nikāya 52
1. Rahogatavagga
VAR: 7. Taṇhākkhayasutta → taṇhakkhayasuttaṃ (bj) | taṇhakkhaya (pts1)
7. Taṇhākkhayasutta
Sāvatthinidānaṃ. Tatra kho āyasmā anuruddho bhikkhū āmantesi: “āvuso bhikkhavo”ti. “Āvuso”ti kho te bhikkhū āyasmato anuruddhassa paccassosuṃ. Āyasmā anuruddho etadavoca:
VAR: taṇhākkhayāya → taṇhakkhayāya (bj, s1-3, pts1)
“Cattārome, āvuso, satipaṭṭhānā bhāvitā bahulīkatā taṇhākkhayāya saṃvattanti. Katame cattāro? Idhāvuso, bhikkhu kāye kāyānupassī viharati … pe … vedanāsu … pe … citte … pe … dhammesu dhammānupassī viharati ātāpī sampajāno satimā, vineyya loke abhijjhādomanassaṃ— ime kho, āvuso, cattāro satipaṭṭhānā bhāvitā bahulīkatā taṇhākkhayāya saṃvattantī”ti.
Sattamaṃ.