Saṃyutta Nikāya 55
5. Sagāthakapuññābhisandavagga
VAR: 44. Paṭhamamahaddhanasutta → aḍḍhasuttaṃ (bj) | mahaddhana or aḍḍha 1 (pts1)
44. Paṭhamamahaddhanasutta
VAR: mahaddhano → mahaḍḍhano (bj)VAR: mahābhogo’ti → mahābhogo mahāyasoti (s1-3, pts1, mr)
“Catūhi, bhikkhave, dhammehi samannāgato ariyasāvako ‘aḍḍho mahaddhano mahābhogo’ti vuccati.
Katamehi catūhi? Idha, bhikkhave, ariyasāvako buddhe aveccappasādena samannāgato hoti— itipi so bhagavā … pe … satthā devamanussānaṃ buddho bhagavāti; dhamme … pe … saṅghe … pe … ariyakantehi sīlehi samannāgato hoti akhaṇḍehi … pe … samādhisaṃvattanikehi. Imehi kho, bhikkhave, catūhi dhammehi samannāgato ariyasāvako ‘aḍḍho mahaddhano mahābhogo’ti vuccatī”ti.
Catutthaṃ.