Saṃyutta Nikāya 55
5. Sagāthakapuññābhisandavagga
VAR: 45. Dutiyamahaddhanasutta → dutiyaaḍḍhasuttaṃ (bj) | mahaddhana or aḍḍha 2 (pts1)
45. Dutiyamahaddhanasutta
“Catūhi, bhikkhave, dhammehi samannāgato ariyasāvako ‘aḍḍho mahaddhano mahābhogo mahāyaso’ti vuccati.
Katamehi catūhi? Idha, bhikkhave, ariyasāvako buddhe aveccappasādena samannāgato hoti— itipi so bhagavā … pe … satthā devamanussānaṃ buddho bhagavāti. Dhamme … pe … saṅghe … pe … ariyakantehi sīlehi samannāgato hoti akhaṇḍehi … pe … samādhisaṃvattanikehi. Imehi kho, bhikkhave, catūhi dhammehi samannāgato ariyasāvako ‘aḍḍho mahaddhano mahābhogo mahāyaso’ti vuccatī”ti.
Pañcamaṃ.