Saṃyutta Nikāya 56
4. Sīsapāvanavagga
VAR: 37. Paṭhamasūriyasutta → suriyūpamasuttaṃ (bj) | suriyupamā 1 (pts1)
37. Paṭhamasūriyasutta
VAR: Sūriyassa → suriyassa (bj, s1-3, km, pts1)
“Sūriyassa, bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ—aruṇuggaṃ. Evameva kho, bhikkhave, bhikkhuno catunnaṃ ariyasaccānaṃ yathābhūtaṃ abhisamayāya etaṃ pubbaṅgamaṃ etaṃ pubbanimittaṃ, yadidaṃ—sammādiṭṭhi. Tassetaṃ, bhikkhave, bhikkhuno pāṭikaṅkhaṃ: ‘idaṃ dukkhan’ti yathābhūtaṃ pajānissati … pe … ‘ayaṃ dukkhanirodhagāminī paṭipadā’ti yathābhūtaṃ pajānissati.
Tasmātiha, bhikkhave, ‘idaṃ dukkhan’ti yogo karaṇīyo … pe … ‘ayaṃ dukkhanirodhagāminī paṭipadā’ti yogo karaṇīyo”ti.
Sattamaṃ.