Saṃyutta Nikāya 6
1. Paṭhamavagga
VAR: 7. Kokālikasutta → kokālikasuttaṃ (1) (s1, pts2) | paṭhamakokālikasuttaṃ (s2, s3)
7. Kokālikasutta
Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho subrahmā paccekabrahmā kokālikaṃ bhikkhuṃ ārabbha bhagavato santike imaṃ gāthaṃ abhāsi:
“Appameyyaṃ paminanto,
Kodha vidvā vikappaye;
Appameyyaṃ pamāyinaṃ,
Nivutaṃ taṃ maññe puthujjanan”ti.