Saṃyutta Nikāya 6
1. Paṭhamavagga
VAR: 8. Katamodakatissasutta → katamorakatissasuttaṃ (bj) | tissakasuttaṃ (s1-3) | tissako (pts1)
8. Katamodakatissasutta
Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu.
VAR: katamodakatissakaṃ → katamorakatissaṃ (bj) | katamorakatissakaṃ (s1-3, km)
Atha kho suddhāvāso paccekabrahmā katamodakatissakaṃ bhikkhuṃ ārabbha bhagavato santike imaṃ gāthaṃ abhāsi:
“Appameyyaṃ paminanto,
Kodha vidvā vikappaye;
Appameyyaṃ pamāyinaṃ,
Nivutaṃ taṃ maññe akissavan”ti.